شو هالايام هو مكان وصالون ثقافي ومعزب المكان خالتو نرمين...وخالتو نرمين هي عرابة شوهالايام وكل القصص منها بتطلع احلى... خالتو نرمين تركت كندا لترجع وتلتقي الناس وتعيش معهم اجواء شوهالايام كل يوم كل فرح وكل نجاح
وقصتنا بدت مع ماضينا وتراثنا وثقافتنا الي جزء كبير منها مرتبط بأكلنا وقعداتنا وعزايمنا ومناسباتنا.... الفكرة من شو هالايام هو الجمعة الحلوة مع اصدقاء شوهالايام....
لانه أكلنا هو استحضار لماضينا ...أكلنا هو اكل البدوي والفلاح...الاكل الي مكوناته بسيطة وما بتكلف ومذاقه شهي وهني ..الاكل الي برد الجوع و بسند الجسم
عنا أكلات اردنية وفلسطينية ...ولانا شعب واحد مش شعبين ...فأحنا بشو هالايام بنجمع كل الاكلات التراثية ...من الرشوف للمسخن....من المجدرة للكفتة بورق العنب.... من المسف للفتة الغزاوية....من المقرطة للدقة بالفخارة...من فتة المقدوس للباشا وعساكره....من الشاي بزعيتمان للكركديه.......ومن ليالي عمان لتاج الخانم